नेपाली काँग्रेसका सांसद किरणबाबु श्रेष्ठले प्रतिनिधिसभामा आएका नयाँ सांसदहरुलाई प्रशिक्षण नपुगेका र संसदीय अभ्यासमा कसरी चल्ने भन्ने जानकारी नभएको बताउनुभएको छ । राष्ट्रिय सभा बैठकको विशेष समयमा बोल्दै सांसद श्रेष्ठले संसदीय अभ्यासबारे जानकारी नहुँदा आज प्रतिनिधि सभामा कहीँ नभएको जात्रा हाँडिगाउँमा जस्तै अवस्था भइरहेको बताउनुभएको हो । उहाँले मुलुकमा सार्वजनिक स्थललगायत संसदमा पनि निराशाको कुराभन्दा अरु सुनिन छाडेको अवस्थामा दैलेखमा पत्ता लागेको मिथेन ग्यासले थोरै उत्साह जगाएको बताउनु भयो ।
