नेकपा (माओवादी केन्द्र) का सांसद नरबहादुर विष्टले इरानमाथि अमेरिका र इजरायलले गरेको संयुक्त आक्रमणको निन्दा गर्नुभएको छ । सोमवार राष्ट्रिय सभा बैठकको विशेष समयमा बोल्दै सांसद विष्टले अन्तर्राष्ट्रिय सन्धी र ऐन कानूनअनुसार सार्वभौम सत्तामाथि भएको हमलाको निन्दा गर्नुभएको हो । उहाँले युद्धग्रस्त मुलुक इरान र इजरायलमा रहेको अवस्थाबारे परराष्ट्र मन्त्रीले सदनलाई जानकारी गराउन आग्रह गर्नुभयो । सांसद विष्टले नवलपरासीदेखि दुम्किबास हुँदै दाउन्नेसम्मको सडकमा अलपत्र परेका जनताका पीडालाई हेरेर सरकार बालुवाटारमा मस्ती गरिरहेको आरोप लगाउनु भयो ।
