नेकपा (एकीकृत समाजवादी) की सांसद मदनकुमारी साहले बैंक तथा वित्तीय संस्थाहरुको अवकाश कोषलाई बाध्यात्मक नभई स्वेच्छिक बनाइनुपर्ने बताउनुभएको छ । सोमवार राष्ट्रिय सभा बैठकको शुन्य समयमा बोल्दै सांसद शाहले यस्तो बताउनुभएको हो । उहाँले बैंक तथा वित्तीय संस्थाहरुको अवकाश कोषहरुलाई कर्मचारी सञ्चय कोष, नागरिक लगानी कोष, सामाजिक सुरक्षा कोष र निवृत्तभरण कोषमध्ये एकमात्र राख्ने भन्ने सरकारको निर्णयले कर्मचारीको मनोबल घटाउने काम गरेको दाबी गर्नुभयो ।
