भारतको दक्षिण–पश्चिमी राज्य महाराष्ट्रमा सडक दुर्घटनामा एक बालक र एक महिलासहित नौ जनाको मृत्यु भएको स्थानीय प्रहरीले पुष्टि गरेको छ । एक बालकसहित अन्य तीन जना घाइते भएका छन् । उनीहरूलाई नजिकैको सरकारी अस्पतालमा भर्ना गरिएको छ । राज्यको पुणे जिल्लाको जेजुरी–मोरगाउँ रोडमा धेरै तिब्र गतिमा चलाइएको एउटा निजी कारले रोकिएको गाडीलाई ठक्कर दिँदा सडक दुर्घटना भएको थियो ।
