सभामुख देवराज घिमिरेले संसद प्राणहीन बनाउने कामहरु नगर्न सांसदहरुसँग आग्रह गर्नुभएको छ । प्रतिनिधि सभाको बुधवारको बैठकमा विपक्षी राजनीतिक दलहरुले संसद अवरुद्ध बनाएसँगै सभामुख घिमिरेले यस्तो आग्रह गर्नुभएको हो । उहाँले सदन दुई हप्तादेखि अवरुद्ध रहेको बताउनु भयो । उहाँले देशका समस्याहरु समाधान गर्ने सर्वोच्च निकाय संसद भएकाले छलफलको वातावरण बनाउन आग्रह गर्नुभयो । उहाँले सभा सञ्चालन नभएसम्म संसदले गर्ने काम अघि बढ्न नसक्ने बताउनु भयो । दुई साता यता भिजिट भिसा प्रकरणबारे गृहमन्त्रीको राजीनामा माग गर्दै विपक्षी राजनीतिक दलहरुले संसद अवरोध गर्दै आएका छन् ।
