प्रतिनिधि सभाको बैठकमा विपक्षी दलहरुले विरोध कायम राखेका छन् । सोमवार २ बजे बस्ने भनेको प्रतिनिधि सभाको बैठक साढे ३ बजे बसेपनि बैठकको कारबाही अघि बढ्न सकेन । बैठकको कारबाही शुरु हुने बित्तिकै विपक्षी राजनीतिक दलहरुले संसदमा उठेर विरोध जनाएसँगै सभामुख देवराज घिमिरेले बैठक आधा घण्टापछि बस्नेगरी स्थगित गर्नुभयो । भिजिट भिसा प्रकरणमा गृहमन्त्री रमेश लेखक मुछिएको आरोप लगाउँदै प्रतिपक्षी राजनीतिक दलहरुले केही समय यता संसद अवरोध गर्दै आएका छन् । —न्युज एजेन्सी नेपाल
