प्रधानमन्त्री एवं नेकपा एमाले अध्यक्ष केपी शर्मा ओलीले गुटबन्दीलाई प्राथमिकता नदिन अनेरास्ववियुलाई आग्रह गर्नुभएको छ । आईतवार अनेरास्ववियुको २४ औं राष्ट्रिय महाधिवेशन उद्घाटन सभालाई सम्बोधन गर्दै प्रधानमन्त्री ओलीले लोकतान्त्रिक पद्धतिमा जान छुट भएपनि गुट बनाएर प्रतिष्पर्धा नगर्न आग्रह गर्नुभएको हो । उहाँले माधव नेपालतर्फ इंगित गर्दै एकीकृत समाजवादी गुटगत प्रवृत्तिको उपज भएको दाबी गर्नुभयो । एमालेमा तीन दशकसम्म नेतृत्व गरेकाहरुले नै एमालेलाई धुलोपिठो बनाउँछौं, टर्च बालेर खोज्नुपर्ने बनाइदिन्छौं भन्दै हिँड्ने अवस्था गुटबन्दीकै परिणाम भएको उहाँको भनाइ थियो ।
