नेपाल नम्बर एक एमेच्योर गल्फर सदभाव आचार्य रेकर्ड स्कोरमा ११ औं संस्करणको नेपाल एमेच्योर ओपन गल्फ च्याम्पियनसिपको उपाधि जित्न सफल भएका छन् । नेपालकै राहुल विश्वकर्मालाई १० स्ट्रोकको फराकिलो अन्तरमा हराउँदै सदभाव पहिलो पटक यो च्याम्पियनसिपको उपाधि जित्न सफल भएका हुन् । गोकर्ण गल्फ क्लवमा सद्भावले आज २ अण्डर ७० खेल्दै समग्रमा २० अण्डर १ सय ९६ को स्कोर खडा गरे । उनले ५४ होलको १८ अण्डरको कुल रेकर्ड समेत तोडे।
