राष्ट्रिय सभा सांसद तुलसाकुमारी दाहालले जनताको बलिदान र संघर्षबाट स्थापित व्यवस्थामाथि प्रश्न उठ्नु सामान्य कुरा नभएको बताउनुभएको छ मंगलवार राष्ट्रिय सभा बैठकको विशेष समयमा बोल्दै सांसद दाहालले राजनीतिक क्षेत्रमा देखिएका यस प्रकारका दृश्य र तरंगलाई विश्लेषण गर्ने समय आएको बताउनुभएको हो । उहाँले हाल संविधान र व्यवस्थाप्रति फैलाइएको अफवाह, संघीय लोकतन्त्र र गणतन्त्रको विरोधमा मिथ्या आरोप लगाउने काम भइरहेकाले राजनीतिक दल र नेतृत्व गम्भीर हुनुपर्नेमा जोड दिनुभयो ।
