इजिप्ट, ट्युनिसिया र अल्जेरियाका विदेशमन्त्रीहरूले लिबियाका सबै पक्षहरूलाई आत्मसंयम अपनाउन र लिबियाली जनताको सुरक्षा सुनिश्चित गर्दै तत्काल तनाव रोक्न आह्वान गरेका छन् । कायरोमा तीन देशका विदेशमन्त्रीहरूको बैठकपछिको अन्तिम प्रश्तावमा सबै लिबियाली पक्षहरूलाई लिबियाली जनताको हितलाई प्राथमिकता दिन आग्रह गरिएको छ । उनीहरूले संयुक्त राष्ट्र संघको निरीक्षण र छिमेकी देशहरूको समर्थनमा लिबियाली दलहरू बीच सहमतिको माग गरेका छन् । जसले विभाजनको अन्त्य गर्नेछ र संसदीय र राष्ट्रपति चुनावमा नेतृत्व गर्ने राजनीतिक प्रक्रिया सुनिश्चित गर्नेछ ।
