संस्कृति, पर्यटन तथा नागरिक उड्डयनमन्त्री बद्रिप्रसाद पाण्डेले पर्यटन विधेयकले सुशासनको प्रत्याभुति दिलाउने बताउनुभएको छ । राष्ट्रिय सभाको बुधवारको बैठकमा विधेयकमाथिको सैद्धान्तिक छलफलमा उठेका प्रश्नको जवाफ दिँदै उहाँले यस्तो बताउनुभएको हो । विधेयकलाई समृद्ध र सुदृढ बनाउन मद्दत पुगेको विश्वास गर्नुभयो । उहाँले विधेयकले हाम्रा पद्धतिलाई बलियो बनाउन खोजेको भन्दै त्यसै खालका प्रवन्ध र व्यवस्था मिलाएर सुशासनको प्रत्याभुति दिलाउने स्पष्ट पार्नुभयो । उहाँले निजी क्षेत्रमैत्री र पर्यटन मैत्री व्यवस्था मिलाउनु आजको आवश्यकता भएको जानकारी दिनुभयो ।
