नेकपा (माओवादी केन्द्र) का सांसद अमनलाल मोदीले प्रमुख प्रतिपक्षलाई सार्वजनिक लेखा समिति सभापति नदिँदा प्रतिपक्षको छायाँ बनेको आरोप लगाउनुभएको छ । बुधवार बसेको सार्वजनिक लेखा समितिको बैठकमा बोल्दै उहाँले यस्तो बताउनुभएको हो । उहाँले सत्ता पक्षले नै सार्वजनिक लेखा समिति लिनेकुरा विगतमा पनि गलत रहेको र अहिले पनि राख्न नहुने बताउनु भयो । उहाँले विगतमा नेकपा (माओवादी केन्द्र), नेपाली काँग्रेसले पनि सत्तामा रहँदा सार्वजनिक लेखा समितिको नेतृत्व लिएको भन्दै यस्तो नजिर स्थापित गर्न नहुने बताउनु भयो ।
