प्रेस युनियन नेपालले पहिलो पटक लोमान्थाङ अन्तर्राष्ट्रिय मिडिया समिटको आयोजना गर्ने भएको छ । समिटबारे जानकारी दिन शुक्रवार काठमाडौंमा आयोजित पत्रकार सम्मेलनमा युनियनका अध्यक्ष शिव लम्सालले नागरिक समृद्धि र समृद्ध नेपालका लागि बहुआयामिक परिवर्तन र समाज रुपान्तरणमा योगदान दिनु समिटको उद्देश्य भएको बताउनुभएको हो । समिट वैशाख २७ गतेदेखि ३० गतेसम्म काठमाडौंदेखि पोखरा हुँदै मुस्ताङसम्म सञ्चालन हुनेछ ।
