दक्षिण कोरियाका कार्यवाहक राष्ट्रपति तथा प्रधानमन्त्री हान डक–सूले बिहीवार राष्ट्रलाई टेलिभिजन सम्बोधन गर्दै राजीनामाको घोषणा गर्नुभएको छ । हानले देशले सामना गरिरहेको संकटको समयमा आफूले गर्नसक्ने र गर्नुपर्ने काम गर्न पद त्याग्ने निर्णय गरेको बताउनु भयो । उहाँले जबसम्म चरम राजनीति त्यागिएको छैन र सहयोगको जग स्थापित भएको छैन तबसम्म सत्तामा जो भएपनि विभाजन र द्वन्द्व दोहोरिने बताउनु भयो ।
