राष्ट्रिय सभामा पर्यटन विधेयक– २०८१ पेस भएको छ । आईतवार बसेको राष्ट्रिय सभाको बैठकमा पर्यटन विधेयक– २०८१ पेश भएको हो । संस्कृति, पर्यटन तथा नागरिक उड्डयनमन्त्री बद्री पाण्डेको तर्फबाट कानून, न्याय तथा संसदीय मामिला मन्त्री अजयकुमार चौरसियाले विधेयक पेश गर्नुभएको हो । पर्यटकीय गतिविधि प्रवद्र्धन, पर्यटक उद्योगको व्यवस्था तथा नियमन गर्न पर्यटकको हित, सुरक्षा र सुविधा अभिवृद्धि गर्न पर्यटनसम्बन्धी कानूनलाई संशोधन गरी समय अनुकुल बनाउन पेश गरिएको बताउनु भयो ।
