राष्ट्रपति रामचन्द्र पौडेलले जनताको चाहनाअनुरुप शान्ति, दिगो विकास, समावेशी समाज, आर्थिक समृद्धि र संघीय लोकतान्त्रिक गणतन्त्रको सुदृढिकरण सहित राष्ट्र निर्माणमा जुट्न आह्वान गर्नुभएको छ । सोमवार नगरकोट भ्रमण वर्षको उद्घाटन गर्दै उहाँले यस्तो बताउनुभएको हो । उहाँले विकासको प्रमुख आधारशिला पर्यटन क्षेत्र रहेको पनि बताउनु भयो । उाँले पर्यटन क्षेत्रबाट मुलुकको आर्थिक समृद्धि हुने जिकिर गर्नुभयो । उहाँले काठमाडौंको उकुसमुकुसबाट उम्किएर प्रकृतिमय क्षण व्यतित गर्ने चाहना राख्नेहरुका लागि नजिकको रोजाइ स्थल हो नगरकोट भएको बताउनु भयो । पर्यटन पूर्वाधारको बिस्तार र सहज आगमनको लागि सडक स्तरोन्नति गर्न ध्यान दिनुपर्ने बताउनु भयो । सांस्कृतिक, आर्थिक, धार्मिक धरोहरलाई आर्थिक विकासमा रुपान्तरण गर्न पूर्वाधारको विकास र कौशल बढाउनुपर्ने बताउनु भयो ।
