टर्कीका विदेशमन्त्री हाकान फिदान र उनका रुसी समकक्षी सर्गेई लाभरोभले युक्रेन द्वन्द्व र कालो सागरमा नेभिगेसनको सुरक्षाबारे छलफल गर्नुभएको छ । अर्ध–आधिकारिक अनाडोलु एजेन्सीले रिपोर्ट गरेको छ कि दुई मन्त्रीहरूले टर्कीको दक्षिणी तटीय शहर अन्टाल्यामा अन्टाल्या कुटनीति मञ्च नजिकै भेट गर्नुभएको हो । बैठकको क्रममा दुई मन्त्रीहरूले टर्की–रूस सम्बन्धको समीक्षा गरे र विशेष गरी ऊर्जा क्षेत्रमा थप सहयोगका अवसरहरूको खोजि गर्नुभयो । छलफलहरू क्षेत्रीय तनावका कारण बढ्दो महत्वको विषय कालो सागरमा सुरक्षित नेभिगेसन सुनिश्चित गर्ने कुरामा पनि केन्द्रित थिए । स्रोतहरूकाअनुसार दुवै पक्षले युद्धविराममा पुग्ने प्रयासहरूसहित चलिरहेको रूस–युक्रेन द्वन्द्वमा पनि विचार आदानप्रदान गरेका छन् ।
