प्रतिनिधि सभाको शिक्षा, स्वास्थ्य तथा सूचना प्रविधि समितिका सदस्यले युवाहरूले प्रतिक्षा गरिरहेको दशौं राष्ट्रिय खेलकुदको आयोजनामा युवा तथा खेलकुद मन्त्रालयले ढिलासुस्ती गरेको भन्दै छिट्टै आयोजना गर्न दबाब दिएका छन् । प्रतिनिधि सभाको शिक्षा, स्वास्थ्य तथा सूचना प्रविधि समितिको बिहीवार बसेको बैठकमा समितिका अधिकांश सांसदले सदस्यले खेलाडीहरूले प्रतिक्षा गरिरहेको दशौं राष्ट्रिय खेलकुद छिटै आयोजना गर्न दबाब दिएका हुन् । खेलकुद आयोजनामा ढिलासुस्ती गरेको भन्दै समितिले बिहीवार खेलकुद मन्त्री तेजुलाल चौधरी, राष्ट्रिय खेलकुद परिषद्का ध्रुव आचार्य र सदस्यसचिव टंकलाल घिसिङलाई बोलाएको थियो । उक्त बैठकमा समितिका सदस्य तथा सांसदहरूले समयमा खेलकुद आयोजना गर्न आग्रह गरे ।
